Axenda21CA

Asistencia a Confint-Galicia 2012

2012-01-28T01:20:00.000-08:00

O 14 de xaneiro, no Museo Pedagóxico, en Santiago de Compostela, tivo lugar unha xuntanza de alumnos, profesores e pais, en representación dos centros adscritos á Axenda 21 Escolar de Galicia, onde expuxeron e compartiron as súas propostas para a protección do planeta.

As nosas alumnas Noa Castro Lema, Lara Castro Lema e Cristina Casal Carrodeguas presentaron a mascota que vedes na foto así como un cartel promovendo o consumo responsable de auga.

De este encontro sairon elixidos un grupo de estudantes, entre os que están as nosas alumnas, que están representando á nosa comunidade no Confint-España, que se está celebrando en Victoria-Gasteiz, compartindo experiencias cun centenar de mozos de Cataluña, País Vasco, Madrid, Albacete e Canarias.

De aí a Confint-Europa, que contará con dous portavoces galegos, en Bruxelas do 14 ao 16 de maio.

O fin último destas actuacións e dar voz aos mozos sobre os retos do desenvolvemento sostible, chegando a unha declaración final que será froito de numerosos debates e reflexións colectivas a nivel de centros educativos

Peche das aulas de natureza no Caurel

2011-06-28T07:46:00.000-07:00

A Xunta e a Deputación pechan as súas aulas da natureza no Courel.

A Xunta pechou a aula da Natureza de Moreda, na entrada da Devesa da Rogueira, xusto antes de Semana Santa, despois de 20 anos funcionando,.

A Deputación de Lugo, inaugurou xusto antes da campaña electoral, o16 de marzo, unha aula nun cuarto que lle cedeu a USC na Estación Científica de Seoane e xa a vai clausurar cando remate xuño. Dende esta aula, organizáronse, rutas guiadas polo Courel, para todos os colexios que o solicitaron.

As dúas Institucións alegaron falta de fondos europeos, pero non é así xa que hai fondos para outras actividades: canteiras, minas, plantación de plantas pirofitas, etc.
Velemos por salvagardar un dos espacios naturais máis importantes de Galicia.

Limpeza praia Esmelle

2011-03-01T11:41:00.000-08:00

O Martes 22 de Febreiro fixemos, como en anos anteriores, un rexistro dos residuos da praia de Esmelle. Aproveitamos, de paso, para limpar a praia (unha parte).

CATROCO - A feira do intercambio

2011-02-10T02:12:00.000-08:00

catroco

View more presentations or Upload your own.

Presentación da Axenda 21 do curso 2010-11

2010-10-25T14:13:00.000-07:00

PresenAx21_10

View more presentations or Upload your own.

Actividade: Saída medioambiental a Ortigueira

2010-06-20T15:13:00.000-07:00

O próximo martes 22 de Xuño faremos unha saída ata Ortigueira. Colleremos o tren as 10:30 h na Estación de FEVE e chegaremos de volta ao redor das 21 h. Pretendemos ir ata a praia e volver á vila pola beira da ría.

A ría de Ortigueira e un humedal de importancia internacional e zona de especial protección para as aves (ZEPA) e forma parte da rede Natura 2000. Teremos a oportunidade de coñecer un dos millores humedais de Galicia e esperamos poder avistar algunhas das numerosas aves que viven neste ecosistema.

Actividade: "Observar a costa"

2010-04-27T03:52:00.000-07:00

O vindeiro xoves, 29 de Abril sairemos á costa de Covas, onde rexistraremos o impacto ambiental producido pola actividade humana. Faremos reconto do lixo xerado e de calquera outra incidencia significativa.

Os participantes deberán levar luvas e roupa axeitada á actividade.
A hora de saída será ás 9 e a volta, arredor das 13 h.

Ver proxecto COASTWATCH

O grupo, despois do traballo:

Actividade Medioambiental en Doniños

2010-02-03T10:25:00.000-08:00

XOVES 4 DE FEBREIRO

Saída ás 9:30 e chegada ao IES ás 13:30 aproximadamente.
Levarase a cabo unha extracción de especies vexetais alóctonas e realizarase un itinerario medioambiental polo ecosistema dunar e cantís.
Os participantes deberán traer luvas de traballo, calzado e roupa axeitado para camiñar.
Os interesados tedes que recoller as autorizacións en conserxería e entregalas antes do xoves en xefatura de estudos ou vicedirección.

Shoe aid for Africa

2009-11-05T09:22:00.000-08:00

A marca de produtos para o c0idado do calzado Kiwi, lanzou a campaña "Shoe aid for Africa". En cooperación con Humana e o futbolista camerunés, Samuel Eto’o, Kiwi intenta repetir, ou mesmo mellorar, a exitosa campaña do 2006.

En algunhas áreas de África, os zapatos non son un artigo doado de conseguir para todo o mundo. O feito de non ter un bo par de zapatos pode excluír aos adultos de conseguir un traballo o pode evitar que os nenos vaian á escola.
As caixas estarán nos supermercados (Hipercor e O Corte Inglés) durante aproximadamente un mes, dando tempo para que os consumidores depositen alí os seus zapatos. Cada semana, Humana recollerá todos os zapatos destas caixas e as levará a os seus almacéns.
Pódense entregar zapatos e botas de adulto e neno, zapatos prácticos, usados pero en bo estado. Non se aceptan nin zapatos de tacón nin botas de neve. E todos os zapatos que se entreguen deben estar limpos de sucidade grosa o barro, levar cordóns no caso de zapatos con cordóns e non ter ningún desperfecto importante.
De decembro de 2009 ata abril de 2010, todos os zapatos serán distribuídos en zonas rurais de varios países africanos: Camerún, Kenia, Malawi, Mozambique e Sudáfrica.

http://www.kiwishoeaid4africa.com/es

Un novo curso de Axenda 21

2009-10-15T14:19:00.000-07:00

Fin de curso da Axenda 21

2009-06-29T14:44:00.000-07:00

Os da Axenda 21 celebramos o fin de curso cunha excursión polas ribeiras do río Sil e camiñando logo polas rutas de "O courel". Aquí os deixamos unhas marabillosas imaxes que poidemos contemplar "in situ".

Esta primeira corresponde á "Fonte do Cervo" no corazón da Devesa de Rogueira, a 1300 m de altura. Realmente, son dous manantiais: un de augas calcáreas e outro, proximo e a súa dereita, de augas ferruxinosas, que xunto á vexetación das rochas lle dan esa impresionante cromaticidade.

A 2ª imaxe é unha vista do Canon do Sil coas súas dúas marxes cheas de cultivos de viño. A erosión modelou figuras nas rochas que a tradición interpreta que corresponden aos bispos de Ourense, na marxe esquerda e a do de Lugo, enfronte, de costas, na marxe dereita.

Por último unha foto de o grupo disfrutando da viaxe polo río.

¡¡Ata o vindeiro curso!!

Excursión polas Rutas do Río Sil e a Serra do Courel

2009-06-18T04:08:00.000-07:00

Ver mapa más grande

A excursión, os días 26 e 27 de Xuño, inclúe unha viaxe en catamarán polo cañon do Sil, unha ruta polo Courel, a visita á Devesa de Rogueira e ás poboacións de Castro Caldelas, Quiroga e Pedrafita do Cebreiro.

Concurso Aula Sostible (FINAL)

2009-06-16T04:43:00.000-07:00

Recollidas as puntuacións dos inspectores, o gañador deste ano do Concurso é o grupo de 1ºC.
O premio é unha excursión de 2 días polas rutas do Río Sil e a serra do Courel.

Excursión a Pontevedra

2009-05-21T14:08:00.000-07:00

Na excursión que fixemos os de 1º e os de 4º a Pontevedra coa Axenda 21 no bus na ida todo moi ben xunto cos de Canido. Ao chegar a alí presentamos os nosos traballos e miramos os dos demais centros. Despois déronnos uns pinchos para xantar que a verdade, non estaban nada ben... Tivemos que mercar nós algo para comer. Pola tarde un centro representou unha obra teatral e despois fumos a un obradoiro no que comezamos a xogar con pintura e acabamos coa pintura por toda a roupa a cara...

Unha cousa coa que me quedei abraiada é que todos os nenos falaban galego menos nós. Tiña a impresión de que en case toda Galicia falábase o castelán pero estaba equivocada. Nalgúns momentos sentíame moi rara falando castelán.

Mándovos unha foto de como quedamos despois de xogar con toda a pintura.Un saúdo: Inés Paz Espiñeira. 1º E.S.O.

Denuncia

2009-05-14T12:59:00.000-07:00

Dous alumnos de 1º C- ESO envíanos unha denuncia que, posiblemente, teña moito que ver cos resultados que aparecen na entrada anterior.

Os alumnos de 1 º C da ESO queriamos dicir que nos están quitando cada 2 por 3 as caixas de reciclaxe e que por favor non o fagan. Moitas gracias.

Andrea Rodriguez Rodriguez 1º C E.S.O

Quería dicirlles, que fai unha semana desapareceu unha caixa, hai tres dias tamén desapareceron 3 caixas de reciclaxe (latas, plásticos e follas reutilizables) e os libros dun neno, que os tiraron ao contenedor do instituto e logo tivo que meterse no contenedor a collelos, o que tiraron dixeron que fora porque estaba todo tirado no chán, pero os libros do neno estaban encima da mesa e as caixas na estantería.
P.D: Apareceron dúas caixas pero as demais non se sabe delas.

David Rodriguez Blanco (Subdelegado) 1º C ESO

Así vai o Concurso de AULA SOSTIBLE

2009-05-12T15:54:00.000-07:00

Os novos resultados totais son os seguintes:

Visita a SOGAMA

2009-03-29T12:49:00.000-07:00

O día 11 de Marzo os Ciclos Medio de Laboratorio e Superior de Química Ambiental realizaron unha visita ás instalacións de SOGAMA.

Así vai o Concurso de AULA SOSTIBLE

2009-03-27T15:47:00.000-07:00

Concurso AULA SOSTIBLE 09

2009-03-12T15:43:00.000-07:00

Visita á empresa RECINOR

2009-02-12T13:11:00.000-08:00

O 29 de xaneiro os alumnos do Ciclo de Química Ambiental fixemos unha visita a RECINOR. É unha empresa que se dedica ao reciclaxe dos residuos xerados pola construción e demolición. Atópase na estrada de Catabois.
Os camións chegan cargados de entullo. Unha vez pesada a súa carga, entran na zona de descarga, onde botan o seu contido. Despois, unha pala se encarga de ir alimentando a maquinaria para o seu procesado.

Sepáranse os materiais da seguinte forma: Primeiro, os residuos voluminosos. De seguido unha peneira, os separa en tres fraccións:

A fracción fina, area, que se utilizará despois para nivelación e recheos de xardíns ou para volver a fabricar materiais de construción, …
A media, gravilla, serve para recheo de gabias, e firmes do chan. No propio instituto, a zona do aparcamento está feita con “zahorra”, que é un material de fracción media pero que procede da trituración do formigón.
Y por último, a fracción grosa, que supera os 6 cm, útil para grandes recheos.

Entre outras, unha das aplicacións destes residuos revalorizados que puidemos ver é a trituración de pneumáticos, pintados de cor marrón, que simulaban as cortizas de pino, ou borrachas. Non notabas a diferenza a menos que colleras un anaco coas mans.
Nos pareceu moi importante o feito de que se valoricen cada día máis tipos de residuos, e que en xeral, en tódolos procesos, a chamada “mellora continua” parece funcionar á perfección, xa que cada vez son máis os residuos que valoriza (un 95%).

Carmen Portals / Carmen Seoane (CS Química Ambiental)

A Recollida Selectiva no Concepción Arenal

2009-02-05T12:52:00.000-08:00

Reciclar o móbil vello

2009-01-23T03:21:00.000-08:00

Dioxinas

2009-01-02T16:05:00.000-08:00

O 9 de decembro do 2008 a Rede de Alerta Europea de Seguridade Alimentaria, comunicou ós seus puntos de contacto da Unión Europea que as autoridades irlandesas de Seguridade Alimentaria detectaran dioxinas na carne de vacún e porcina.
Os animais foran alimentados con pensos potencialmente contaminados, estes pensos estaban fabricados con restos de panadería mesturados con aceite industrial non apropiado para ser usado en productos de alimentación animal.
Os test no penso e en mostras de graxa dos porcos determinaron niveis de dioxinas entre 80 e 200 veces por riba do nivel considerado seguro para o consumo. Segundo informa o Goberno irlandés, aínda que os datos son lixeiramente superiores ós legalmente establecidos, non presentan ameaza para a saúde.

As dioxinas son compostos químicos que se producen en procesos de combustión que implican ó cloro. O termo aplícase indistintamente ós policlorobenzofuranos (PCDF), as policlorobenzodioxinas (PCDD) e ós aceites lubricantes dos transformadores (PCB) e furanos.

2, 3, 7, 8-tetraclorodibenzo-p- furano

2,3,7,8-tetraclorodibenzo-p-dioxina

As dioxinas poden producir irritación na pel, dermatite e cando adopta certas formas pode producir cancro.

Susana Martínez Torres 2ºE

Un compoñente dos plásticos: O bisfenol A

2008-12-11T12:55:00.000-08:00

O Bisfenol A ou BPA [2,2-bis(4-hydroxyfenil) propano] é un producto químico que se utiliza dende fai moitos anos (dende 1950) como compoñente para a fabricación de policarbonato e resinas epoxi-fenólicas.

Actúa como un perturbador endocrino que pode afectar á fertilidade e á reproducción. Ao ingresar nos organismos vivos altera o funcionamento do seu sistema endocrino, e pode ocasionar efectos como o cáncer.

Fórmula molecular: C15 H16 O2
Peso molecular: 228,28 u
O policarbonato (símbolo 7) é un polímero termoplástico ríxido transparente que se usa para:

Biberóns de bebés
Aparatos médicos: humidificadores de O2, lentes, incubadoras
Botellas de bebidas (botellas de auga)
Equipos deportivos: cascos
Cd's

As resinas epoxi-fenólicas utilízanse en recubrimentos e revestimentos de latas de conservas e depósitos de alimentos e bebidas así como latas ou tapas de metal.

Debido a que os alimentos se atopan en contacto co BPA que está nos envases que os conteñen, pequenas cantidades do composto poden migrar dende o envase ou o recubremento ata o alimento. Estudos realizados pola Autoridade Europea de Seguridade Alimentaria concluíron que a inxesta diaria tolerable (IDT) polo home pode establecerse en 0’05 mg/Kg.día.
Existe un forte debate entre os que defenden que é inocuo e aqueles que din que provoca alteracións hormonais, diabetes, enfermidades cardíacas e cáncer e propoñen mentras non se prohibe a súa utilización tomar precaucións co seu uso.

Medidas a tomar para evitar os seus efectos

Non colocar no microondas recipientes plásticos para quentar líquidos ou alimentos, utilizar recipientes de vidro ou cerámica.
Non lavar recipientes de plástico no lavalouzas e evitar deterxentes agresivos xa que os deterxentes alcalinos fortes incrementan a filtración de bisfenol A.
Evitar o uso de botellas de auga e biberóns de plástico reutilizable que conteñan policarbonatos, e en xeral aqueles que teñen o indicador 7.
Utilizar recipientes de vidro ou plástico de polietileno.
Comer productos frescos. Reducir o consumo de alimentos enlatados.
Non deixar latas ou bebidas moitos anos sen consumir, porque así se favorece a migración do bisfenol A aos alimentos ou bebidas.

Traballo realizado polos alumnos de Química de 2ºE

184 colegios públicos vascos han reciclado 70 toneladas de residuos peligrosos en tres años

2008-12-06T12:15:00.000-08:00

El plan busca concienciar a los alumnos para que lo apliquen en su futuro laboral. Se tratan clorados, metales pesados, escayolas, fijadores o desinfectantes. El citado plan nació en el contexto de la Agenda Escolar 21. Ver noticia no Diario Vasco.

Tamén hai 2 anos, o noso Centro, utilizando fondos da Ax21 escolar galega, xestionó os residuos do laboratorio. A diferencia do País Vasco, aquí a Consellería de Educación, desenténdese.

Rexeita as bolsas de plástico na compra.

2008-12-05T12:23:00.000-08:00

Ultimamente, vai de plásticos. Angeles Martínez, desde a Oficina do Instituto, nos envía esta presentación sobre os problemas causados polas bolsas de plástico na Natureza.

A música, engadida, é "Elegiac" de John Hopkins (non vaia ser que apareza a SGAE inglesa).

Arte co lixo

2008-12-04T03:34:00.000-08:00

Nesta mesma páxina, a dereita, podedes ver unha mostra de obxectos: bolsos, paneiras, billeteiras, sombreiros, ...., confeccionados utilizando como materia prima bolsas de supermercado. As artistas son Viruca Parcero Collado e Mª Carmen Meis. Fan arte do lixo.

Hai que apurar para facelas porque en pouco tempo (?) deixaran de entregalas gratis cando imos á compra. Parece que está máis próximo en Cataluña (ver aquí a noticia).

Convocatoria Comité Ambiental

2008-11-27T01:56:00.000-08:00

O vindeiro xoves, 4 de Decembro, ás 16:30 h. , no aula de usos múltiples, se constitúe o COMITÉ AMBIENTAL para este curso 2008-2009.
Se convoca a todos/as os que desexen participar:

alumnos/as que xa estaban no curso pasado
os novos que asinaron o compromiso para este curso
pais
persoal non docente
profesores

Orde do día:

Constitución do comité.
Información sobre os proxectos a desenvolver este ano: Axenda 21 escolar e Comenius "Life in harmony with Nature".
Planificación das actividades.
Rogos e preguntas.

A túa asistencia é moi importante.

Nota: Admítense suxerencias a través do comentario deste blog.

O FEISMO DE GALICIA

2008-11-26T02:50:00.000-08:00

O que veño a dicir e moi simple :
Antigamente elaborábanse os obxectos con productos artesanais (como madeira, vimbio, etc…). Hoxe en día estes materias están case en desuso, algúns case a punto de desaparecer como é o caso do vimbio que aparece por Galicia abandonado e formando grandes sebes de altura desproporcionada (que non é a que debería ter realmente).
Actualmente a xente galega deulle por “reciclar” os somieres metálicos que serven para garda-lo gando, nas súas fincas ou incluso para facer de porta para un pendello (lugar destinado a gardar gando, herba seca e ferramentas). Hai persoas que están a favor e outras en contra como en todo, por suposto.
Isto so é unha parte, porque por Galicia adiante hai máis mostras do “FEISMO” (como casas de ladrillos sen rematar durante anos, antenas enriba das cortes das vacas ou colchóns no monte).

A FAVOR

Axudan a cerca-lo gando para evitar que escape.
Axudan a cercar unha finca facendo de “portal”.
Evitan corta-las arbores para facer peches.
Evitan que “contamine” por aí tirado e danlle un uso reciclado.

EN CONTRA
Son “feos”, nada estéticos co medio rural.
O seu uso excesivo na mesma finca pode ser tóxico ou prexudicial.
O seu famoso uso, na actualidade pode dar lugar a máis feísmo en Galicia.
Pode dar lugar a que o monte que se usaba para facer peches de madeira, este aínda máis abandonado.

Enviado por Javier Lago Díaz, de 4ºA ESO

Fotos denuncia no itinerario Valón-Doniños

2008-11-24T14:58:00.000-08:00

Ademáis dos efectos que provocan as obras da carretera ao porto exterior de Ferrol que variaron a paisaxe do val de Doniños e que provocan entre outros problemas arrastre de lodos cara o val, segundo queixas dalgún veciño, atopamonos cun punto onde había un pequeno vertedoiro de roupa:

Por outra parte tamén observamos un exemplo típico do que sucede no rural galego, "somos unha potencia" reutilizando materiais pero eso leva tamén ser os campeóns do feismo

Consumópolis4

2008-11-24T13:20:00.000-08:00

Concurso ON LINE sobre CONSUMO

Participantes: Alumnos/as ESO. Cada equipo 5 compoñentes + 1 profesor
Plazo límite inscrición: 1 de Decembro
Premios: Ordenadores portátiles para cada un e 2000€ para o Centro.
Para saber máis, preme sobre o enlace: http://www.consumopolis.es/

Itinerario Medioambiental Balón - Doniños (4 km)

2008-11-13T03:44:00.000-08:00

A vindeira semana, realizaremos o 1º Itinerario do curso. Esta vez vai de Balón a Doniños. Ata a saída e logo a volta ao Instituto utilizaremos o transporte público.

Hora saída 12:30 h Volta: 17:00 h.
Día : Mércores 19 de Novembro Participantes: 4ºESO e 1ºBACH
Día : Xoves 20 de Novembro Participantes: 1º e 2ºESO
Ver mapa más grande

IV Edición "Premio Escolar RENFE de investigación medioambiental

2008-11-13T02:17:00.000-08:00

RENFE convoca o "IV Premio Escolar RENFE de investigación medioambiental y desarrollo sostenible" co seguinte tema "El Tren y el Sol".
Ámbito: Equipos de estudiantes de ESO (1º e 2º ciclo) formado por 5-10 alumnos, máis un profesor que fará de titor.
Temas: Luz solar, aforro enerxético, enerxías renovables, cambio climático, ... relacionado co "Tren e o Sol"
Plazo: ata o 9 de Febreiro do 2009

Premio: Viaxe e Videoconsola Nintendo Wii.

Máis información: http://www.renfe.es/ave/concurso/

Oe á Natureza

2008-11-10T15:26:00.000-08:00

Presentación Ax21 do Concepcion Arenal (2008-09)

2008-11-07T16:31:00.001-08:00